AZƏRBAYCAN FOLKLORU
Xalq mahnısı
BÜLBÜL
Bülbülün geydiyi sarı,
Ağlayaram zarı-zarı.
İtirmişəm gözəl yarı,
Oxu, oxu, nazlı bülbül!
Axtarıram nazlı yarı,
Oxu, oxu, nazlı bülbül!
Bülbülün geydiyi atlaz,
Atlaza iynə batmaz.
O qız ölər, məni atmaz,
Oxu, oxu, nazlı bülbül!
Bülbülün geydiyi yaşıl,
Agün dəyəndə parıldaşır,
Qız görsəm, dilim dolaşır,
Oxu, oxu, nazlı bülbül!
Geri qayıtmaq