AZƏRBAYCAN FOLKLORU
Nüvrəs İman
AY MARAL
Çarxı-fələk məni yaman oxlayıb,
Axır yaralardan qanım, ay maral!
Mən də sənin kimi yaman dərdliyəm,
İnildəmə, çıxdı canım, ay maral!
Tifil ikən ustad oldum dünyada,
Bir Şirinə Fərhad oldum dünyada,
Çöl-biyaban, səhrada oldum dünyada,
Yoxdu elim, nə məkanım, ay maral!
Göyçə sakiniyəm, adımdı İman,
Könülüm çox sınıqdı, halım pərişan.
Hər nə ki sirrim var, eylədin bəyan,
Dedim sana hər nişanım, ay maral!
Geri qayıtmaq