***
• Elə adamlar axtarın ki, onlarla söhbət yaxşı kitaba bərabər olsun. Elə kitablar da axtarın ki, mütaliəsi filosoflarla söhbətə dəysin.
Ə. H. Bəhmənyar
***
• Bədii əsərin ömrü onun xalq tərəfindən bəyənilməsindən asılıdır.
S. Vurğun
***
• Kişi bir sənəti bilər xalis
• Çoxuna meyl edən qalar naqis
Seyid Əzim
***
• Yaxşı kitab çox qiymətli xəzinədir.
H. Zərdabi
***
• Axmaqlarla oturub-durmaqdansa, kitabla tənha oturmaq yaxşıdır.
Q. Zakir
***
• Bilik öyrənməyi ar bilən hər kəs
• Dünyada mərifət qazana bilməz.
Nizami
***
• Bir elm öyrənmək istədikdə sən
• Çalış ki, hər şeyi kamil biləsən
• Kamil bir palançı olsa da insan
• Yaxşıdır yarımçıq papaqçılıqdan.
Nizami
***
• Dünyada nə qədər kitab var belə
• Çalışıb əlləşib gətirdim ələ
• Oxudum, oxudum, sonra da vardım
• Hər gizli xəznədən bir dürr çıxardım.
Nizami
***
• Elmi bələkdən qəbrədək öyrənmək lazımdır.
Sədi
***
• Oxuduğuna əməl etməyən alim məşəl gəzdirən kora bənzər.
Sədi
***
• Bu günü daha yaxşı görmək üçün keçmişi bilməliyik.
Ömər Xəyyam
***
• Yarat bir əsər ki, adın ucalsın
• Sən ölüb gedərkən yerində qalsın
Ə. Cami
***
• Lazım olan bir sənəti axtar sən
• Veyil-veyil dolanmaq çox yamandır.
• Lazım olan bir sənəti tapdınmı
• Möhkəm yapış, əldən vermə, amandır.
Ə. Cami
***
• Hər millətin tərəqqisi və fəaliyyətinin başlıca amili elm və əxlaqdır.
A. Şaiq
***
• Müdrik şəxs vəzifəli adamlara möhtac olmaya bilər. Amma vəzifəli şəxslər müdrik adama möhtacdırlar.
M.Ş.Vazeh
***
• İnsan qılıncının kəskinliyi ilə qəhrəman ola bilməz, ağlın kəskin olması lazımdır.
M. S. Ordubadi
***
• Sözün də su kimi lətafəti var
• Hər sözü az desən daha xoş olar
• Bir inci saflığı varsa da suda
• Artıq içiləndə dərd verir su da.
Nizami
***
• Ədəb sayılsa da məclisdə susmaq
• Məsləhət zamanı danışmaq gərək
• İki şey ağıla nöqsan sayılır
•Yersiz susmaq ilə yersiz söz demək
Sədi
***
• Gil qabın möhkəmliyini səsi ilə yoxlayan kimi, insanı da ağzından çıxan söz ilə yoxlayırlar.
Əbül Fərəc
***
• Elə cinayət var ki, bağışlanmır, bu vətənə xəyanətdir.
Ə. H. Bəhmənyar
***
• Vətənin sevməyən insan olmaz
• Olsa, o şəxsdə vicdan olmaz.
A. Səhhət
***
• Bir yoxsul qürbətdə şah olsa əgər
• Hər axşam o vətən deyib ah çəkər.
Əssar Təbrizi
***
• Milli qüsurlara görə millətə nifrət edən alçaqdır.
Y. V. Çəmənzəminli
***
• Amal uğrunda ölmək-əbədi yaşamaqdır.
Ş. M. Xiyabani
***
• Bir mərd ilə ağı yesən şirindir
• Yüz namərdlə şəkər yesən dad olmaz.
Aşıq Ələsgər
***
• Döyüş meydanında can versə insan
• Xoşdur, namərdliklə qoyub qaçmaqdan.
Sədi
***
• Ölümdən qorxmayan millətə ölüm yoxdur.
Ş.M.Xiyabani
***
• Vəfasız dost kölgə kimidir. İşıqlı gündə səni izləyər, buludlu gündə gözdən itər.
M. Beyləqani
***
• Çox gözəl olsa da eybi gizlətmək
• Dost dostun eybini örtməsin gərək.
Nizami
***
• Bacarsan hamının yükünü sən çək
• İnsana ən böyük şərəfdir əmək.
• Sən də əldən düşüb yorulsan əgər
• Sənin də yükünü bütün el çəkər.
Nizami
***
• Kim ana qəlbinin telini qırar
• Tanrının qəzəbi belini qırar.
• Sənin arsızlığın-xəyanət ona Vüqarın, təmkinin dəyanət ona.
M. Bahar
***
• Adın şərəflidir sənin ey qadın
• Dahilər anası çağrılır adın.
S. Vurğun
***
• Qadına əsas şey həya, ismətdir
• Bunlar qadın üçün böyük sərvətdir.
M. Əvhədi
***
• Bir ürəkdə olmaz iki sevgili
• İki ürəklinin düz olmaz dili.
Nizami
***
• Məhəbbət odur ki, odu sönməsin
• İnsan yaşadıqca üzü dönməsin
Nizami
***
• Fərsiz övlad əldə altıncı barmaq kimidir. Kəsərsən ağrıyar, saxlarsan eybəcər göstərər.
Növzər
***
• Hər şeydə oğurluq haramdırsa, qızlar üçün oğlanın qəlbini oğurlamaq halaldır.
M. S. Ordubadi
***
• Həyat yoldaşı seçməkdə yanılmaq, bütün həyatı uduzmaq deməkdir.
M. S. Ordubadi
***
• Həqiqi ananın ən şərəfli bəzəyi ədəbli, tərbiyəli cocuqdur.
M. Ə. Sabir
***
• Xoşbəxt o adamdır ki, özgənin günahlarını saymağa vaxt itirməyib, öz şəxsi qüsurlarını düzəltməklə məşğuldur.
Əbül Fərəc
***
• Uşağı bütə döndərmək olmaz, böyüdükdən sonra o, qurbanlar tələb edər.
Ü. Hacıbəyov
***
• Eşq-elə bir sirdir ki, gətirmək olmur dilə,
• Lakin örtmək də olmur onu min pərdə ilə.
Ə. Cami
***
• Kəmərə qızıl taxıb qul kimi durmaqdansa, yavan çörək yeyib öz evində ağa kimi oturmaq yaxşıdır.
Sədi
***
• İnsanların ən qüvvətlisi qeyzli vaxtında özünü saxlayandır.
M. T. Sidqi
***
• Ömür səhifəsinə gözəl əməllərdən başqa heç nə yazmayın.
Ə. Cami
***
• Yaxşılığa yaxşılıq hər kişinin işidir
• Yamanlığa yaxşılıq nər kişinin işidir
Azərbaycan atalar sözü
***
• O qədər çox yemə ağırlıq etsin
• O qədər ac qalma can əldən getsin.
Sədi
***
• Xəstəlik törədən amilləri sən
• Çalış ki, özündən kənar edəsən
• Uzaq ol dərmandan, acmamış yemə
• Doymamış əlini götür süfrədən.
Ə. Cami
***
• İçkinin başlanğıcı günah, ortası sərxoşluq, sonu fəlakətdir.
Ə. Xəqani
***
• İki adam öldü və dünyadan həsrət getdi: biri yığdı yemədi, digəri bildi eləmədi.
Sədi
***
• Ya göründüyün kimi ol, ya da olduğun kimi görün.
Cəlaləddin Rumi
***
• Hər sözü bir ulduz, bir şəffaf almaz,
• Mənalar dünyası qaranlıq deyil,
• Bu böyük kitablar yaranır az-az,
• Çünki ömürlükdür, bir anlıq deyil.
S. Vurğun
***
• Şairin sözü insan qüvvəsinin sərkərdəsidir.
S. Vurğun
***
• Sən ancaq öyrənməklə ucalarsan.
M. Əvhədi
***
• Nursuz göz kimidir elmsiz ürək,
• Nadan insanlıqdan uzaqdır gerçək.
M. Əvhədi
***
• Elmin cövhəri qızıl kimidir, köhnəldikcə təzələnir.
M. Əvhədi
***
• Qüvvət elmdədir, başqa cür heç kəs,
• Heç kəsə üstünlük eyləyə bilməz.
• Hər uca rütbədən biliniz, fəqət,
• Alimin rütbəsi ucadır əlbət.
Nizami
***
• Elmi olub, ağlı olmayan adama elm əziyyət verər.
Nuşirəvan Adil
***
• İnsanın bildiyi və öyrəndiyi şeylər bilmədiyinin müqabilində heç dərəcəsindədir.
M. T. Sidqi
***
• Daş-qaş əvəzinə özünə bilik yığsan daha çox tanınarsan: ən qiymətli daşı salıb itirə bilərsən, ən sadə biliyi isə səndən heç kəs ala bilməz.
Əbül Fərəc
***
• İstedadlı kor, istedadsız ağıllıdan daha yaxşı görür.
R. Həmzətov
***
• Əsl gözəllik surətdə deyil, ağıl və kamaldadır.
F. Köçərli
***
• İnsana arxadır onun kamalı,
• Ağıldır hər kəsin dövləti, malı.
Nizami
***
• Amandır, ağlını unutma ki, sən
• Gülünü tikana dəyişməyəsən.
Nizami
***
• Əlində yumşalsa dəmir, onu bil,
• Tədbirlə yumşalar, hiddətlə deyil.
Nizami
***
• Ağıllı, səxavətli adamlar mallarını dostlarla yeyərlər, ağılsız xəsislər isə yeməyib, düşmənlərə saxlayarlar.
Ə. Cami
***
• Hikmətə bax: gör nə demiş atalar;
• Qısa sözdə olar dərin mənalar.
Keykavus
***
• İnci tək sözlər seç, az danış, az din,
• Qoy az sözlərinlə dünya bəzənsin.
• Az sözün inci tək mənası olmaz,
• Çox sözün kərpic tək qiyməti olmaz.
Nizami
***
• Xəlqə ağzın sirrini hərdəm qılır izhar-i söz
• Bu nə sirdir ki olur hər ləhzə yoxdan var söz.
Füzuli
***
• Cəbhədə qılınc, məclisdə gözəl nitqə malik olanlar qəhrəmandır.
M. S. Ordubadi
***
• Arif ol, söhbəti müxtəsər eylə,
• Uzun danışandan qaç, həzər eylə.
• Yüz əyri ox atsan olmaz dəyəri,
• Bir ox at hədəfdən getməsin əyri.
Sədi
***
• Demədiyimi hər vaxt deyə bilərəm, lakin dediyimi dana bilmərəm.
Ə. Cami
***
• Vətənim verdi mənə nanü-nəmək
• Vətəni məncə unutmaq nə demək.
A. Səhhət
***
• Acizlik ürəyi ağrıdır, bilsən
• Bir alçaqlıq olar hər zülmə dözsən.
Nizami
***
• Düzdür, yerindədir əlim-ayağım,
• Vardır bədənimdə canım da hətta,
• Ancaq bir iş var ki, yox azadlığım,
• Ağrıdır yaşamaq əsarət altda.
M. Cəlil
***
• Fikir azadlığı olmadan tərəqqi mümkün ola bilməz.
M. F. Axundov
***
• Amal uğrunda ölmək-əbədi yaşamaqdır.
Ş. M. Xiyabani
***
• Mərd oğlun qəhrini çəkən mərd ana,
• Mərd igid meydanda durar mərdana
Aşıq Ələsgər
***